2011年5月28日 星期六

皮膚也想吃一口生果♥SOTHYS菠蘿芒果瑩亮清新面部療程.

每逢夏天,又係芒果時令季節,媽咪總愛做芒果布甸作飯後甜品
諗起都yummy....yummy.... 而SOTHYS今季都推出以芒果為主題既facial treatment,再加上菠蘿,就成為今季主角
菠蘿芒果瑩亮清新面部療程
(首次試做價$348)




今次treatment除用上SOTHYS基本護膚產品外,
亦加入菠蘿精華、芒果精華及維他命複合物,
成份蘊含豐富維他命,能補濕之餘亦有美白功效




療程大約60分鐘,先由卸妝及頭部穴位按摩開始,
SOTHYS既treatment一向著重清潔環節,
只有潔淨既皮膚底層才能完全吸收及發揮護膚品既功效,我buy!




療程中亦有peeling環節,SOTHYS既peeling產品非常溫和,絶無刺激性,
敷上面後幾分鐘後就可以推走死皮及作深層清潔,值得推介




療程中差唔不多用上整支菠蘿精華,
精華含有豐富維他命ABC及亞麻油酸,能補濕及美白肌膚,
搽上面時聞到陣陣香甜既菠蘿味,加上美容師一流按壓手法,
絶對是雙重享受




之後美容師將芒果柔軟按摩霜混入菠蘿精華中作面部按摩,
令疲倦暗啞的皮膚注入活力,最後敷上芒果柔軟面膜及搽上面霜,
整個療程大致完成




完成療程後皮膚帶有亮澤感,感覺既清爽又不失滋潤感覺,
感覺挺討好的,而且美容師按摩手法與之前的有所不同,
感覺更覺放鬆及舒服,下次仍有機會遇見妳嗎?





銷售點
九龍淘大商場第一期1樓F115室(電話:2751 7852)
九龍尖沙咀金馬倫道12號恆信商業大廈10樓(電話:2368 0998)
九龍尖沙咀廣東道58號帝國大廈2樓(電話:2305 0002)
九龍尖沙咀漢口道39-41號怡達中心1樓(電話:3622 2783)

2011年5月23日 星期一

夏日炎炎,給皮膚一個冰涼感覺

維特健靈會令你想起咩product呢?五色靈芝?維生烏絲素?



原來除左調理身體健康既產品外,維特健靈仲有護膚美肌產品,
今次試用既OS21 Ice Mask冰膜就係其中一樣($480/50ml)






瑞士生產,盒上有齊到期日及出產編號,感覺倍感安心



開啟後,有錫紙密封,保證產品從未開啟



另外,產品配有小匙,方便提取面膜份量
 


OS21 冰膜既功效就好似像保護膜一樣,能夠幫助平衡自由基對肌膚傷害,
其獨家抗氧化成份組合能為肌膚充電,能重塑肌膚的彈性、色素、潤澤度,
讓肌膚回復最佳狀態。


使用方法好簡單,先將產品放入雪柜,潔面後,將冰膜厚敷20分鐘,
然後用清水沖洗乾淨。又或者連續使用7日,能令肌膚回復BB肌般幼滑




呢個星期我每晚潔面後就用呢個冰膜,敷上面時涼浸浸,
感覺好舒服好清爽,除令皮膚有即時鎮靜降紅效果外,毛孔亦即時收細,
20分鐘後,再將冰膜抹去,皮膚即時變得又白又滑,感覺的確不錯




頭先都提過敷呢個冰膜有鎮靜降紅感覺,於是我又叫埋老公一齊試,
老公本身係敏感肌,平日敷水份面膜都會令佢覺得有痕癢問題,
除左佢係敏感肌之外,缺水亦係主要原因,
但佢敷呢個冰膜亦覺好用,既無敏感或刺激,補水之餘又滋潤,
所以任何皮膚人士睇黎都岩用呢個冰膜

專為成熟的東方女性研製,冰膜蘊含MPC(乳肽絡合物成份)和Ceramides(天然角磷質成份),
有效鎖緊水份,具深層滋潤作用和刺激皮膚細胞再生、避免乾紋皺紋出現,
更有不可思議的美白功效

由羅馬跑到佛羅倫斯(Day 3)

今日一早起身響酒店食完個早餐就出動,趕緊完成埋今日既羅馬行程,
因為中午book左火車落佛羅倫斯呀


是日第一站:人骨教堂Santa Maria della Concezione(又名骨骸寺)



教堂外長長既人龍都係排隊入去參觀架,呢個教堂有咩咁特別呢?
教堂內的確與平時見既差唔多,但教堂下面有個地下室(人龍排緊個門口),
入面有多達4,000副修道士既人骨做裝飾,其中有d仲著住僧服tim,
成個地下室以人骨組合成牆壁、吊燈或者掛飾,
諗起都有d變態,雖然唔算恐怖,但我feel到自己有d腳仔軟




由於地下室唔俾影相,所以買左張明信片做紀念




離開人骨教堂,向聖利勝母教堂出發,途中會經過國立繪畫館 Galleria Nazionale d' Arte Antica (又名巴貝里尼宮)及貝里尼廣場
巴貝里尼廣場-特里尼噴泉



以巴貝里尼家徵裝飾既蜜蜂噴泉



國立繪畫館 Galleria Nazionale d' Arte Antica



終於到目的地啦,遠遠見到教堂外牆維修,以為入唔到黎tim
勝利聖母教堂Chiesa di SMaria della Vittoria



教堂主殿巨型濕壁畫-"戰勝異教的聖母",加埋外圍既天使,好靚



彩繪圓頂濕壁畫-"聖母升天"



著名藝術家貝尼尼創作既"聖特蕾莎的法喜",台灣書d釋名好奇怪,香港既guidebook會唔會有個好聽d既名呢?



終於去到羅馬最後一個景點,安傑利聖母教堂Santa Maria degli Angeli本來冇諗住過黎,但尋日搭巴士時經過,原來好近Termini站,
反正仲有時間,一於行埋佢





行完安傑利聖母教堂後,要趕返酒店拎行李lu,
搭左差唔多兩個鐘火車,終於黎到佛羅倫斯
check-in埋都已經4、5點,我地間房有個大window,外面仲種左好多樹,
點知原來係惡夢既開始,因為早晚都落雨,酒店又未有冷氣供應,
我地就成為大蚊既晚餐,我塊面都俾蚊錫左幾啖呀
所以之後幾晚臨瞓前,我地都要打瓜哂d蚊先瞓得,好攰呀。。。。





見個天仲未黑,原本打算去米高安哲奴廣場行一圈,
但老公話不如近近地響酒店附近行下,又好

其實佛羅倫斯main town唔係好大,所以行一圈基本名勝可以匆匆行哂



最後響諾維拉聖母教堂廣場食下野飲啤酒,一日既行程又完成