2012年10月28日 星期日

[用後分享] 脫毛不求人:FITBOXX Flash & Go TM HPL TM宅光脫毛機

唔少朋友知道我帶左部FITBOXX Flash & Go TM HPL TM宅光脫毛機 返屋企後,都好關注部機究竟workwork,小腿呢。。。我就打左兩次,見效果都ok,又冇紅腫敏感問題出現,所以我都好安心咁打埋upperlip

 

上次做左個超低能既示範,响冇shave既情況下試打,毛毛即時捲左,浪費左一下既激光之餘,說明書話避免將光波重覆射向同一位置,以免增加產生副作用既風險,所以做既時候要留意

 

本身腳既毛毛唔算多,但生長速度快,如果著短裙今日shave完聽日又要搞搞佢,否則摸起黎有d毛頭吉手感覺時,亦會有黑色點點出現
   

脫毛時間表:想達到最佳效果首14次療程每隔兩星期使用一次,第57次療程每隔四星期使用一次,到第8次療程或以後,就有需要時先使用,直接達到理想效果


所以頭兩次我都要隔兩星期就打一次呀,上次打完第一次後,毛毛生長速度真係明顯慢左,下面張相係隔左兩個星期後再影既,平時shave完唔洗一星期都有咁長啦,依家隔左兩個week先去返呢個長度,我覺得ok

 

而呢部宅光脫毛機其實都幾易操作,每次使用前先shave走毛毛,將燈匣、電線安裝上脫毛機後就可以用,插上電源後待機顯示燈(綠燈)會先亮起

 

按下開機/待機按鈕,電源顯示燈(橙燈)就會亮起,而脫毛機亦會發出平時開風筒既her her聲,代表脫毛程序可以開始


而脫毛前亦有d野需要留意,如皮膚最近曝曬過不宜進行脫行療程,而皮膚亦應保持清潔、乾爽同埋冇塗上任何粉末、止汗劑及香體露;由於宅光脫毛機以選擇性光熱分解原理為依據,當光波照射於組織上,毛幹上色素會選擇性吸收大部分光波,而周圍組織則不會受熱。所以毛髮上既黑色素會負責吸收光波,同時產生熱能,最終達到停止毛髮生長效果。若然事前以蜜蠟、拔毛方式脫毛,將毛囊拔走,反而會令到光波無法直接壞死毛囊,大大影响脫毛效果,所以都係用剃既方式最佳


開始啦,將燈頭放响適合位置,選擇合適既光波(我自己用5度),一按制,光一閃就完成一下,我計過一隻小腿至膝頭(包括小腿兩側),每次大約打40-50下,所以若然一個燈匣可以發1,000下激光,清理哂小腿既毛毛應該不成問題

 

upperlip我亦有試過,呢個位置慳得多,4-5下就打完,但始終呢個位置近眼位,帶返個大墨鏡安全得多

 

一向用開蠟紙清理upperlip呢個位置,日子有功,所以唇邊既毛毛都偏幼,所以都有d疑慮佢效果會如何,兩星期後其實都發現重生既毛髮唔算好長,效果算是不錯
  
  
 

一部機可以隨時隨地處理不同位置既毛髮,除左慳時間外,部份尷尬位置亦可自行處理,只須更換機頭,更可以與家人共用,好處實在講唔完呢,等我再試多幾次,睇下佢係咪可以完全令毛毛不再長先


2 則留言: