2013年4月10日 星期三

泰。滋味@中港城泰閣

尖沙咀食肆臨立,但發覺泰菜餐館卻寥寥可數。最近同一班Blogger朋友到了尖沙咀中港城的泰閣,食了一餐既有水準又抵食的泰國菜


食材直接由泰國空運到港,而且還得到泰國政府認可優質食肆,於香港更有旅發局頒發的優質服務及衞生署的有營食肆標纖

 

星期一的晚上人客並不多,若然三五知己想靜靜地傾下偈呢個地方絶對是一個好選擇

 

坐低後我地先點了椰青,唔知係咪放工後就趕過黎,所以覺得個椰青特別清甜

 

一行六人,話事人一早點定一個六人套餐,入面有出名的泰式海南雞及招牌咖喱炒蟹,另外我地還點了泰菜必食的生蝦及香芒椰汁糯米飯


先上生蝦,生蝦隻隻都晶瑩通透,好新鮮!!!食落蝦肉爽甜,配上舖面既醬汁蒜片,酸酸辣辣洽到好處


泰式海南雞,一上枱大家不期然左一聲,賣相好靚呀,食落口皮夠幼滑,肉質又夠結實,無論沾上醬料與否都一樣好味

 

皮與肉之間沒有太多油份,而且又起哂骨,一口一啖,隻雞大大碟,估唔到我地都可以清哂

 

金柚子蝦球沙律,openrice推介必食之一,外面的食店叫這個菜多數是柚子碎,但這個竟然是一梳梳的,賣相已滿分。而柚子亦是來自泰國的金柚,所以味道清甜又沒有苦澀味,蝦球亦佷爽口,難怪是招牌菜
  


泰式小食拼盤,我試左春卷同蝦餅,春卷我覺得幾好味,個皮又唔會好厚,而蝦餅都整得幾彈口,唯獨是油膱味重左少少



冬蔭公,用料十足,每人有半隻大蝦,唔洗爭!可能遷就香港人的口味,味道夠酸夠濃但冇出面飲的咁辣,對我黎講就岩岩好

 

招牌咖喱炒蟹,散叫一隻要$320,對比之下叫套餐抵食得多。食落口個咖喱是甜甜地,據職員所講這款叫泰王咖喱,為迎合泰王口味而做的,若然喜歡辣,可以選紅咖喱等其他口味

 

蟹鉗大大隻,非常多肉,蟹肉亦夠鮮甜,所以都唔理得甚麼儀態,一於落手落腳拆蟹

 

泰式雜菜煲,中規中舉

 

泰式明爐魚,職員好好人幫我地成條骨起左,我本身唔太鍾意食魚,試過一啖覺得有點腥味,雖然有醬汁點,但都係試過就算

 

原個鮮菠蘿炒飯,個飯堆得滿滿,個個你眼望我眼無從入手,哈!炒飯我覺得最緊要炒得夠乾身,而這個菠蘿炒飯亦算合格,材料亦有蝦、雞肉同腰果

 
明明話呢個係6人餐,但我覺得份量足夠8人食,食到呢個泰式蝦球炒金邊粉已經好飽。所以試左少少就投降,因為我要留返少少空位食甜品XDD

 

套餐包呢個泰式甜品,有綠豆糕、大菜糕、糯米糍等,沒有太大驚喜,可能大家的注意力都落左去香芒椰汁糯米飯度

 

香芒椰汁糯米飯,泰菜中常見的甜品,一般是配黑糯米,但這個糯米飯就用上黑白糯米整成,一個甜品既有白糯米的香,又有黑糯米的口感,加上清甜的芒果同椰香,為整個晚餐畫上完美句號


環境、味道及服務各方面都好好,中途又有職員獻唱,所以我都諗住約班朋友再黎試下,因為仲有好多招牌菜我未試呀~



泰閣
尖沙咀廣東道33號中港城平台23號舖
電話:2878 7666

沒有留言:

張貼留言