2013年6月30日 星期日

(Day 4) 沙巴之旅 - 神山一日遊

黎到第四日,是日行程:遊神山。神山作為沙巴既地標,亦係東南亞最高既山當然要見識下。但我見朋友對行神山呢個活動都好兩極化,有朋友話神山好有靈氣,極力推介,亦有朋友覺得冇咩特別。神山團有兩款,一個係兩日一夜既登山之旅,而我地時間有限,所以join左神山一日遊

搭左差唔多兩個鐘頭車就到公園附近,一個可以遙望整座神山既觀光點,吸啖空氣都清新d

果度仲有一個市集,有好多地道既手工藝同手信,我最鍾意就係八下有咩特別野買


近年有個習慣,就係去到每個國家旅行都會買一個磁石做紀念品,呢個磁石就有齊沙巴既signature,啱哂!逗留左20分鐘左右就要起程上神山公園

 

今日既行程原本會去行神山公園->午飯->波令溫泉->樹頂吊橋,由觀光站上去神山公園大約15分鐘車程就得,點知我地好黑仔呀,遇著架運食油既貨車翻側左,足足呆坐左兩個鐘先通車,領隊話直接去食午飯先喎


join左幾日既local tour,包既膳食其實都好麻麻,但呢餐出奇地豐富,但因為成團人之前都坐到呆左,所以一有野食黎就好快食哂


起初我地以為會折返神山公園,但領隊話要繼續之後既行程,所以先去吊橋果邊先,原來吊橋距離餐廳位置又距離成個鐘頭車程,過左半日,我地就咩地方都冇去過咁
  
終於到達目的地,波令溫泉同樹頂吊橋,之前上網見人話呢個溫泉似浸腳池多d,而經過某些溫泉更聞到陣陣硫磺味,果然貨真價實,但由於我地冇打算浸,就直接向吊橋出發

沿住小路向上走,大約10分鐘就見到樹頂吊橋






雖然吊橋離地都幾高,而闊度亦只可容納一個人,同一時間工作人員只會安排
6-8人過橋,但由於吊橋唔會搖擺得好利害,所以又唔會好驚喎,但我覺得唔算好玩



黎到神山,總希望見到全世界最大既花花-「屍花」,聽聞屍花既直徑可以有一個車軚咁大,由於花期一年只有一兩次,而每次大約只開7日,所以非常珍貴,而今次我地有幸遇上了

 

由於我地架旅遊車壞左(有冇咁好彩呀?!)所以我同幾個團員request領隊帶我地去睇屍花,問過村民,一人RM$20就可以入去睇下(真係好賺)行左一陣就見到有個竹棚圍住朵紅色既花,呢朵就係傳聞中既屍花

 

呢朵屍花已經開左第四日,所以個邊已經開始又少少枯,而屍花因為有股腐爛的惡臭味而得名,但我入到去又聞唔到咩臭味喎,所以傳聞是真是假真係唔知,但朵花冇想像中咁大囉

 
園內仲發現到一個椰子大小既花苞,相信過多一排就會長成屍花

 

折騰左一日,神山公園去唔到,又要等司機整返好架車,原本預計五、六點可以返到酒店出去做spa,都因為種種事故而被迫取消,返到出市區已經差唔多8:00,同老公唯有出去自己搵食,我發覺沙巴冇咩夜生活,即使食飯,佢地都好早收,好彩早兩日經過果間金明茶室仲未關,終於可以試下地道肉骨茶,我同老公叫左OriginalPepper兩隻味,估唔到兩款都幾好味喎,一人一煲清哂呀,yummy…. yummy…

2013年6月27日 星期四

NeoStrata美白孖寶,醫學淨白全效系列

一到夏天各大品牌相繼推出美白去斑的產品,
而這篇要介紹的就可於各大萬寧買到,
就是由「果酸先驅」NeoStrata研創的美白孖寶

NeoStrata向來以果酸煥膚聞名,
而全新的Enlighten醫學淨白全效系統-醫學淨白精華素及醫學淡斑修護霜,
只須2 Steps就能解決除暗啞、袪黃、淡斑及退印,
360度改善膚色,提升膚質亮白透明感
  
 
產品均含非刺激性抗衰老成份-葡萄糖胺(NeoGlucosamine™)
而且不含防腐劑,並通過皮膚科醫生及過敏性測試

 

醫學淨白精華素 NeoStrata Enlighten Illuminating Serum ($328/30ml)

 

產品特點

l    4% NeoGlucosamine™ 葡萄糖胺
l    促進角質層脫落,刺激細胞更新,減淡色斑及痘痘印
l    結合12種亮肌醫學成份,包括綠源酸、寡肽抗氧化物、7種瑞士高 山植物精華、維他命C等成份
l    有效抑止黑色素增生,保護細胞,煥發光澤
l    隔絕游離基,減少紫外線引致的炎性細胞
l    啟動修護機制,還原透亮膚色

質感與NeoStrata另一精華Bonic Face Serum頗為相近,
水水的,用後帶點黏稠感,需要時間給皮膚吸收,
平日我會塗上這個精華後先塗上眼霜,
待皮膚吸收過後才塗上修護霜。
而產品建議使用後使用防曬產品及避免於日間陽光下戶外活動,
連續14天使用,達致最佳效果



醫學淡斑修護霜 NeoStrata Enlighten Pigment Controller
 ($298/30ml)

 

產品特點

l    6% NeoGlucosamine™ 葡萄糖胺
l    結合12種淨白亮肌醫學成份,包括SabiWhite®、維他命A、瑞士高 山植物精華、維他命CE
l    SabiWhite®有效制止黑色素細胞增生,阻截黑色素形成
l    維他命A促進角質層脫落,刺激皮膚細胞更新,減淡色斑及痘痘印
l    有效抑制黑色素增生,保護細胞,煥發光澤
l    維他命E可保護肌膚免受侵害

淡黃色乳霜狀,零香味,質感易推,略帶滋潤感,
用於醫學淨白精華素後,薄薄一層塗於全面,或重點塗於色斑及痘痘印位置,
建議敏感肌膚首兩星期隔天使用,隨後每天使用。
或連續使用14天,達致最佳效果。
而使用這對孖寶期間,盡量避免於日間陽光下戶外活動並塗上適當防曬用品

 

自從幾年前做過激光打斑療程後,臉上的斑斑差不多消失得無影無踪,
經過了幾年時間加上早前陽光之旅,臉上的色斑又再蠢蠢欲動,色素又再浮現起來。
我習慣每日早上潔面爽膚後直接塗上精華素及修護霜,
然後按日常護膚程序,塗上面霜及防曬產品,
至今已有兩星期,微細的色斑視覺上好像分別不大,
但範圍較大較實的斑斑就有輕微被打散感覺,相信若早晚使用效果會更佳。
唯獨之後再塗上面霜及防曬產品後有輕微擦膠碎出現,
可能使用同一品牌或系列的產品會較佳

 

2013年6月25日 星期二

My Night My Day

 有否計過自己一晚瞓左幾多個鐘? 6個? 7個? 8個?
  

雖然不少美容報告指出擁有8小時的睡眠時間才能讓皮膚得到充足休息,
但要瞓足8個鐘,對於不少香港人來說確實困難,
尤其是對於要返工的女士們,放工後既要買餸煮飯,
又要打理家務,而我飯後仲要帶我家baby落街散步,
梳梳毛、抹抹腳,到真正坐低可以靜下來已經差不多11:00
呼呼入睡時,卻是我的黃金時間,
煲劇、打機、寫blog文,又或是處理一下煩瑣碎事,
望望鐘又到凌晨1:00,一天若有28小時應該會好一點

 

記得以往唔夠瞓,毛孔明顯會變得粗大,膚色亦會較為暗啞

 

最近試左Estee Lauder將於7月1日推出的新產品,顏色、香味及texture都很熟悉,但功效卻大大增加

 

至今用了差不多兩個多星期,即使平均晚上只有6小時睡眠時間,
皮膚光澤及柔軟度都比之前好,上妝亦較貼服,點睇都唔似唔夠瞓,
至於是甚麽產品,下回分解