2013年9月1日 星期日

勇闖香港迪士尼樂園新展區「迷離莊園」x 怪獸大學

 
 
眾多迪士尼既動畫之中,我最鍾意就係怪獸公司,
大家對呢個年輕版既毛毛同箍牙版大眼仔又likelike

 

 

 

613日到91日,近樂園入口處更有【怪獸大學】主題區,

怪獸迷別錯過啦

 


記得上次入香港迪士尼樂園時迷離莊園仍處於裝修階段,
事隔大半年,迷離莊園終於開幕啦,位置就响反斗奇兵大本營隔離,
玩完行過隔離就啱啱好
 
 
富有維多利亞特式既「迷離大宅」就成為莊園既地標
 

 

呢位就係迷離莊園既主人-探險家亨利爵士同佢既馬騮助手阿拔

 
 

大宅入面收藏唔少亨利爵士同阿拔遊歷世界各國時罕有既珍品
 

 參觀大宅前先聽下亨利爵士既介紹,而阿拔對其中一個音樂盒特別有興趣
 
 
 
旅程開始啦,大家坐住由亨利爵士親自設計既「迷離莊園電磁廂車」响近距離下欣賞大宅內既珍藏


 
傳說只要打開音樂盒,擁有神奇力量既音樂星塵就會被釋放,
星塵飄過之處,所有事物都會瞬間活起來!
百厭既阿拔早就想知呢個傳說係咪真架啦,俾著我都想八下啦
 
 
 




結果。。。。閃閃既星塵令到展館內所有物件都動起來。。。。

宅內既燈光、音效既配合,令到影像迫真感大增,感覺都幾新鮮!
聽聞宅內有4條不同既「行車線」,所以玩完一round後我地即刻再排多次玩呢
 
 
 

 
 






 
 

除左迷離大宅,入面既奇幻庭園亦都係影相既好地方,入面遍佈古代雕塑群,

例如呢個「拉瑪蘇神獸雕像」遠看平平無奇,但過過特製既透視鏡望過去原來別有洞天,

好得意呢

 




 
離開迷離莊園區前,亦可以到迷離珍藏館買souvenir

入面有好多來自世界各地既「珍品」呢

 




 

但我就鍾意阿拔多d啦,當然買埋亨利爵士返去就更加好啦,哈哈。。。

 

行到攰仲可以到園內既「大冒險家餐廳」醫肚,手上呢杯我稱之為「迷離特飲」,
其實係藍莓飲品黎,但上發光既「冰」,感覺即時變得詭秘

 

 

 

每次黎到樂園我都會睇埋巡遊,當日天氣熱到人都溶,

遇上「米奇水花巡遊」就啱哂,因為巡遊時會玩到濕身架,

d水好清涼,加上各位表演人員既勁歌熱舞,所以我覺得好正架


 
 




 


 









 
 
 

 

 



 
 

 
 




沒有留言:

張貼留言