2014年4月10日 星期四

Le Creuset 開倉 2014

 
今年C9界盛事相信Le Creuset開倉必定入圍,好彩趕上尾班車收到品牌send來的invitation,一張邀請咭可以帶兩個朋友一齊入場,所以一早就同朋友去排隊

 
早早搵定價目表,鎖定想買既目標。由於打算換Staub,所以今次冇打算買煲,主力想買stoneware,花花碟、心形盅、上火碟、crock…同埋最想買個buffet




雖然我已經係開倉第3日去,但場內依然咁瘋狂,基本上見到target就要搶左先,諗多秒都會冇,我去果日有大量心形盅、心形焗盤、mini sizecrock set,仲要係我最心儀既粉紅系列,但最想買既花花系列影都冇,超級失望

理智戰勝一切,冇因為排左咁耐咩都搶返去,而且被身邊兩位天使按住,所以買左唔算多野XDD….


French Coster ($90),一套4個,拎煲耳仔又得,當杯墊又得,可惜當日只見到呢隻色,顏色略為唔夠鮮艷,唯有自我安慰耐用不易dirty
 
 
Small Mug,諗住同老公一人一隻。但估唔到原來搵隻杯都咁困難,粉紅色是自己執死雞搵返黎,而粉藍就多得谷友既幫助轉讓,超級好彩 ($110@)

 
PPPBperfect match!!!

 
 最驚喜的就係搵到呢套minicocottes ($380),顏色好閃亮,打開盒一刻絕對有嘩一聲既感覺,一套三個好得意好可愛,令我原本拎住既心形盅都放回原位(雖則事後有點後悔…..XDD)

 
Size都算適中,用黎做甜品糖水都岩用
 


 
話說我之前諗住敗個Buffet Casserole返黎,好彩又俾我朋友搶到隻返黎,黃色26cm的,賣$2,028,我掙扎左好耐究竟買唔買,26cm對於平時好甚少蒸魚既我黎講有點大,如果去門市買try me (22 cm)只係$1,188,在衡量過價錢同用途後,最終我都係放棄左,決定留返去Sogo買好過,仲有顏色揀添

 

 

沒有留言:

張貼留言